जनस्वास्थ्य कार्यालय जिल्लाभित्रका स्वास्थ्य सेवा कार्यक्रमहरूको योजना, समन्वय, अनुगमन र मूल्यांकन गर्ने प्रमुख सरकारी निकाय हो। यस कार्यालयले समुदायमा स्वास्थ्य प्रवर्द्धन, रोग रोकथाम तथा नियन्त्रण, मातृ-शिशु स्वास्थ्य, परिवार नियोजन, पोषण, खोप कार्यक्रम, सरसफाइ तथा सुरक्षित पानीजस्ता जनस्वास्थ्यसम्बन्धी सेवाहरू प्रभावकारी रूपमा कार्यान्वयन गर्ने उद्देश्य राख्छ। स्वास्थ्य सेवा सबै नागरिकसम्म समान रूपमा पुग्ने व्यवस्था मिलाउने, स्वास्थ्य संस्थाहरूलाई आवश्यक प्राविधिक तथा व्यवस्थापन सहयोग पुर्याउने र स्वास्थ्य सूचनाहरू संकलन तथा विश्लेषण गरी नीति निर्माणमा योगदान पुर्याउनु यस कार्यालयको प्रमुख जिम्मेवारी हो। साथै, दैवी विपद् तथा स्वास्थ्य आपतकालीन अवस्थाको तयारी र व्यवस्थापनमा समन्वयकारी भूमिका खेल्दै कार्यालयले समुदायमैत्री, गुणस्तरीय र पहुँचयोग्य स्वास्थ्य सेवा उपलब्ध गराउन निरन्तर प्रयत्न गर्दछ।